İCTİMAİ QINAQ

GERİYƏ

Gündəlik olaraq hər birimiz istər sürücü, istər sərnişin, istərsə də piyada olaraq nəqliyyat xidmətlərindən istifadə edirik. Bizə təqdim edilən nəqliyyat xidmətlərindən rahat və təhlükəsiz istifadə etməyimiz üçün zəruri olan amil mövcud qaydalara əməl etmək və ən əsası, bir-birimizə qarşı anlayışlı olmaqdır. Lakin bəzən bunun əksinin şahidi oluruq ki, bu da hər birimizi narahat edir. Mütəmadi olaraq sosial şəbəkələrdə sürücülərin, sərnişinlərin və ya piyadaların qaydalara əməl etməməsi, özünün, eləcə də digərlərinin həyatını təhlükəyə atması ilə bağlı foto və video materiallar yayımlanır. Hansısa yanlışlığa yol verən insanlar ictimai qınağa çəkilir. Əksər hallarda bu qınağın müsbət təsirlərinin şahidi oluruq. “İctimai qınaq” bölməsini yaratmaqda əsas məqsədimiz də bu cür foto və video materialların pərakəndə yayılmasının qarşısını almaq, onları bir platformada toplamaqdır.

Marşrut xətti № 4: Avtobus əks yola çıxıb

Dövlət qeydiyyat nişanı 99-JK-297 olan 4 nömrəli marşrut xətti üzrə avtobus Dilarə Əliyeva küçəsində əks yola çıxıb. Xahiş edirəm ki, tədbir görüb nəticəsi barədə mənə məlumat verərdiniz.

Status

Bakı Nəqliyyat Agentliyinə daşıyıcı şirkət tərəfindən izahat daxil olub. İzahatda bildirilir ki, 4 nömrəli marşrut xətti üzrə fəaliyyət göstərən 99-JK-297 dövlət qeydiyyat nişanlı avtobusun sürücüsü Əhmədov Anar Mirzə oğluna yol hərəkəti qaydalarını ciddi şəkildə pozduğuna görə töhmət verilib.