“BakuBus” avtobuslarında apreldə tapılan sənəd və əşyalar
Aprel ayında “BakuBus” MMC-yə məxsus avtobuslarda sərnişinlər tərəfindən unudulan (itirilən) 11 ədəd çanta, 4 ədəd pulqabı, 3 ədəd qovluq, 1 ədəd mobil telefon, 1 ədəd skripka, 1 ədəd qeyd dəftəri, 1 ədəd çətir, 1 nəfərə məxsus şəxsiyyət vəsiqəsi tapılıb və sahiblərinə təhvil verilib.
Eyni zamanda, sahiblərinə çatdırılması üçün 4 ədəd vergi bəyannaməsinin surəti, 3 nəfərə məxsus şəxsiyyət vəsiqəsi, 1 nəfərə məxsus buraxılış vərəqəsi və 1 nəfərə məxsus Hesab kartı “Poçtap” xidmətinə təqdim olunub. Həmçinin, 6 ədəd çanta, 5 ədəd müxtəlif kart, 4 ədəd pulqabı, 3 ədəd açar, 2 ədəd mobil telefon, 2 ədəd çətir və 2 ədəd eynək Bakı Şəhər Baş Polis İdarəsinə təhvil verilib.
Sahibləri məlum olmayan, içərisində əsasən geyim olan çantalar və digər əşyalar “BakuBus” MMC-də saxlanılır. Vətəndaşlar şəxsiyyəti təsdiq edən sənədi təqdim etməklə, özlərinə məxsus əşyaları “BakuBus” MMC-dən təhvil ala bilərlər.
Qeyd edək ki, sərnişinlər avtobuslarda unutduqları (itirdikləri) sənəd və əşyaların “BakuBus” MMC-yə daxil olub-olmaması barədə www.alo141.az saytından məlumat əldə edə bilərlər. “BakuBus” MMC-yə məxsus avtobuslarda tapılan sənədlərlə əşyaların şəkilləri və müvafiq məlumatlar saytda “İtirilən və tapılan əşyalar” bölməsində yerləşdirilir.